शापित पाकिस्तान ३ मे २०१७

पाकिस्तानी सैनिकांनी भारतावर परत सर्जिकल स्ट्राईक केला. भारतीय सैनिकांचे शीर कलम करून नेले. दुसरीकडे दहशतवाद्यांनी पोलिसांवर हल्ले केले आणि रायफल नेल्या. दिवसेंदिवस पाकची आणि त्यांच्या प्रशिक्षित दहशतवाद्यांची हालचाल वाढत चालली आहे.  मी २८ फेब्रुवारी २०१३ ला आर्मी सोडली तेव्हा शांत काश्मीर सोडून गेलो होतो. पण ह्यासाठी आम्ही १९९१ पासून काम केले होते. २५०० दहशतवाद्यांची मने जिंकून त्यांना भारतात परत आणले. पुढे कारगिल युद्धानंतर त्यांना सैन्यात घेतले. ८००० काश्मिरी युवक सैन्यात आणले. गाव गावातून १०-२० युवक  सैन्यात घेवून दहशतवाद्यांना गाव बंधू केले. काश्मिरात परत शांतता प्रस्थापित झाली. पर्यटन वाढले. काश्मिरी मुले भारतात अन्यत्र शिकू लागली. नोकरी करू लागली. निवडणूकी शांततेत झाल्या आणि मुफ्ती भाजप सरकार आले. ह्या सरकारने सैनिकांविरुद्ध भूमिका घ्यायला सुरु केले. आज भाजप मेहबुबाच्या अघोरी सरकारने पुन्हा दहशतवाद सुरु केला. कारण मेहबुबा पूर्णपणे दहशतवाद्यांच्यावर अवलंबून आहे. त्यात मोदी सरकारचे फोकनाड धोरण आहे. अमेरिकेचा पाकिस्तानला काश्मीरमध्ये पूर्ण पाठींबा आहे व पाकिस्तान त्याचा पूर्ण फायदा उचलते.

पाकिस्तान हे  जन्मताच शापित राष्ट्र आहे. कायदे  आझम  मोहम्मद अली जिन्ना हे पाकिस्तानचे संस्थापक. पंडित नेहरू आणि जिन्ना ब्रिटिशांच्या  सापळ्यात अडकले किंवा स्वत:ला अडकवून घेतले असेल, पण परिणाम हा देशाच्या फाळणीत झाला. म्हणूनच आज विकासापेक्षा आपण  सुरक्षेवर जास्त पैसा खर्च करत आहोत. पाकिस्तान तर भिके कंगाल झाला. फाळणीचा परिणाम कुणाच्या फायद्यात झाला? तर फक्त अमेरिकन मिलिटरी औद्योगिक समूहाच्या. त्यांना श्रीमंत करण्यासाठी आपण एकमेकाचे खून पाडत आहोत. आपण दोघेही गोऱ्यांच्या हातातले बाहुले आहोत. ते नाचवतात तसे आपण नाचतो.

पाकिस्तानची ४ मुख्य राज्य आहेत. पंजाबी लोकांचा पंजाब, सिंधींचा सिंध, बलुचीचा  बलुचिस्तान आणि पठाणांचा नॉर्थ वेस्ट फ्रोनटायर  प्रोवान्स  (NWFP).  अफगाण सीमेवर Federally Administered Tribal Area (FATA)  असा स्वतंत्र भाग आहे. सिंधमध्ये भारतीय मूळचे लोक मोठ्या प्रमाणात आहेत. पाकिस्तानी अत्याचाराला कंटाळून त्यांनी मोहजीर कौमी चळवळ उभी केली आहे.  पाकिस्तान हे लोकसंख्येत २० कोटी लोकांसह जगातील सहावे मोठे राष्ट्र आहे. पाकिस्तानला १०४६ किलोमीटरचा समुद्र किनारा लाभलेला आहे. म्हणून पाकिस्तानला अनन्यसाधारण महत्व प्राप्त झाले. चीनला पाकिस्तानचे ग्वादर बंदर पाहिजे, जेणेकरून पाक व्याप्त काश्मीरमधून तो अरबी समुद्रात पोहचू शकतो. तसा सिंकींग भागातून ग्वादर बंदरापर्यंत, गील्गीत मार्गे तो रस्ता काढतच आहे. अमेरिका, रशियाला, चीनला  मध्य आशिया, दक्षिण आशिया आणि पश्चिम आशिया वर नियंत्रण ठेवण्यास अरबी समुद्र आणि पाकिस्तान अत्यंत महत्वाचे आहे. अमेरिकेने पाकिस्तानचा उपयोग अफगाणिस्तान, इराण विरुद्ध पूर्णपणे केला आहे. त्याचबरोबर मध्य आशिया आणि रशिया विरुद्ध  पाकिस्तानला पूर्णपणे वापरले आहे. म्हणूनच सुरुवातीपासून अमेरिकेने पाकला आपले आघाडीचे राष्ट्र बनवले. १९७१ च्या भारत पाक युद्धात तर पाकच्या बाजूने भारतावर हल्ला करायला अमेरिकन सेना आली.

पाकिस्तान अधिकृतपणे १९५९ पासून अमेरिकेचा मिलिटरी भागीदार आहे. भारताला दाबण्यासाठीही अमेरिकेने पाकिस्तानचा अनेक वेळा वापर केला आहे. भविष्यात भारताने अमेरिकेची   कितीही चमचेगिरी केली तरी अमेरिका पाकच्या बाजूनेच राहणार. कारण अफगाणिस्तानच्या दहशतवादाला तोंड देण्यासाठी व इराण विरुद्ध वापरण्यासाठी पाकचे अमेरिकेला प्रचंड महत्व आहे. इस्राईल प्रमाणेच पाकिस्तान हे राष्ट्र  मुसलमानासाठी निर्माण करण्यात आले. पण इस्लाम तिला एकसंघ ठेवू शकला नाही. अनेक जाती, पंथामध्ये विभागल्यामुळे पाकिस्तान अंतर्गत कायम संघर्ष आहे. पूर्व पाकिस्तानच्या लोकांनी तर पाकिस्तानला झिडकारले व बांग्लादेश निर्माण केला. आता सिंध, बलुच आणि पठाण तर पाक विरुद्ध बंड  करून उठले आहेत.  फाटातील आदिवासी पठाण तर रोजच पाक वर हल्ले करत आहेत. पाकचे सैन्य हे जगातील आठवे  मोठे सैन्य आहे.  पाक हा एकमेव इस्लामिक  अनुअस्त्रधारक देश आहे. म्हणूनच मुस्लीम जगतात विशेषत: सौदी अरेबियाला पाकिस्तान एक अत्यंत महत्वाचा देश वाटतो. पाकिस्तानी सैन्य हे सौदी अरेबियाच्या सैन्याला प्रशिक्षण देते आणि राज घराण्याचे संरक्षण देखील करते. स्वाभाविक सौदी अरेबिया हे भारताविरुद्ध पाकला नेहमीच मदत करत राहिले आहे.

जगात पाकिस्तानचे सैन्यदल ६,१७,०००  सैन्य आहे. त्याचबरोबर ५,१३,००० राखीव  सैन्य आहे. पाकचे  महत्वाचे निर्णय विशेषत: संरक्षण, परराष्ट्र धोरण  हे  सैन्यदल ठरवते. म्हणून ह्या विषयावर जगातील महत्वाची राष्ट्रे सैन्य दलाशीच बोलते. भारताला ती मुभा नाही. अमेरिकन CIA चा पूर्ण विळखा पाक सैन्यावर आहे. पाक हा पूर्णपणे अमेरीकेवर हत्यारांसाठी अवलंबून आहे. सैन्यदलातील सर्व अधिकाऱ्यांची मुले. अमेरिकेत शिकतात. सैन्याचे पाकवर नियंत्रण ठेवण्याचे साधन म्हणजे पाक ISI. सर्व राजकीय नेते ISI कडून आदेश घेतात. प्रमुख अधिकाऱ्यांच्या बदल्या ह्या ISI च्या आदेशावरून होतात. रावलपिंडी येथे एक सैनिकी जिल्हा निर्माण करण्यात आला आहे. तेथून सैन्यदल आपला आदेश देते.  ते सैन्यदलाचे मुख्यालय आहे.

पाकच्या अफगाणिस्तान सेमेवर चकमकी होत राहिल्या आहेत.  १९७९ ला रशियन सैन्य अफगाण कॅमुनिस्ट सरकारच्या विनंतीवरून अफगाणिस्तान मध्ये आले. त्याला विरोध म्हणून अमेरिकेने पाकमध्ये सौदी अराबियाच्या  मदतीने वहाब्बी कट्टरवादी टोळ्या जमवल्या. अफगाणिस्तान विरुद्ध जिहाद पुकारला. त्यावेळेपासून पाक हे जागतिक दहशतवादाचे केंद्र झाले. दहशतवादाला पैसा पुरविण्यासाठी ड्रग स्मगलिंग ह्या व्यवसायाला  अमेरिकन cia ने  चालना दिली. तेव्हापासून  आजपर्यंत ड्रग स्मगलिंग हा दहशतवादी  टोळ्यांचा धंदा झाला. १९९१ मध्ये रशियाचा  पराभव झाला तेथील कॅमुनिस्ट समर्थकांची कत्तल झाली व यादवी युद्ध थांबले. पण दुसरे यादवी युद्ध सुरु झाले. ते मात्र टोळी युद्ध होते.  पाकने त्यावेळी वेगवेगळ्या टोळ्यांना मदत केली.  ह्या सर्व बाबीत ISI ने अमेरिकन सौदी साहित्याचे, हत्यारांचे आणि पैशाचे व्यवस्थापन केले. १९८०च्य दशकातील हे अमेरिकन पाप आज पूर्ण जगाला भेडसावीत आहे.  ह्याच काळात अमेरिकेने पाकिस्तानमध्ये निर्माण केलेला ओसामा बिन लादेनने २००१ मध्ये अमेरिकेवर हल्ला केला. तेव्हाच प्रशिक्षित झालेले दहशतवादी आज इसिसचे नेतृत्व करत आहेत व जगभर आतंक पसरवित आहेत. हे सर्व थांबवायचे असेल तर पाकचे ४ तुकडे करावे लागतील. पाक मधील जनता तयार आहे. आतापर्यंत ७००० भारतीय सैनिक मारण्यात आले आणि हे असेच घडत राहणार. मोदिसाहेब नुसत्या वल्गना नको. हिंमत असेल तर पाकला नष्ट करा.

Please follow and like us:
RSS
Follow by Email
Facebook
Facebook
Google+
http://sudhirsawant.com/%e0%a4%b6%e0%a4%be%e0%a4%aa%e0%a4%bf%e0%a4%a4-%e0%a4%aa%e0%a4%be%e0%a4%95%e0%a4%bf%e0%a4%b8%e0%a5%8d%e0%a4%a4%e0%a4%be%e0%a4%a8-%e0%a5%a9-%e0%a4%ae%e0%a5%87-%e0%a5%a8%e0%a5%a6%e0%a5%a7%e0%a5%ad/

ब्रिगेडियर सुधीर सावंत

  • Call – 998 771 4929

For Appointment – Shyam Sonar (74000 63236)

You can send him message by clicking here

शून्य खर्च नैसर्गिक शेती (ZBNF)

कृषी विज्ञान केंद्र, किर्लोस

केंद्र शासनाच्या मदतीने प्रत्येक जिल्ह्यात सुरु असलेले कृषी विज्ञान केंद्र शेतीवर संशोधन केंद्र म्हणून संचालित केले जातात. ब्रिगेडीयर सुधीर सावंत यांच्या मार्गदर्शनाखाली सिंधुदुर्ग जिल्ह्यातील किर्लोस येथील केंद्र सिंधुदुर्ग जिल्हा कृषी प्रतिष्ठान तर्फे चालविले जाते .. Read More

सिंधुदुर्ग जिल्हा कृषी प्रतिष्ठान

सिंधुदुर्ग जिल्हा कृषी प्रतिष्ठान कोकणातील एक महत्त्वाची संस्था असून संस्थेतर्फे सिंधुदुर्ग जिल्ह्यातील सर्व शेतकऱ्यांना मार्गदर्शन केले जाते. ओरोसनगरी येथे संस्थेतर्फे एक नामांकित कृषी महाविद्यालय चालविले जाते.  .. Read More

छ. शिवाजी महाराज कृषी विद्यालय

छ. शिवाजी महाराज कृषी विद्यालय सिंधुदुर्ग जिल्हा कृषी प्रतिष्ठान तर्फे चालविले जाते .. Read More

संयुक्त महाराष्ट्र शिक्षण प्रसारक मंडळ

या मंडळातर्फे महाराष्ट्र नाईट हायस्कूल (६वि ते दहावी), कामगार नगर-कुर्ला (पूर्व) येथे चालविले जाते आणि मुंबई सेन्ट्रल येथे महाराष्ट्र रात्र महाविद्यालय (वाणिज्य) देखील चालविले जाते 

मुंबई फेस्टिव्हल फाउंडेशन

संस्थापक अध्यक्ष, पूर्वी या ट्रस्टच्या वतीने मुंबई फेस्टिव्हल भरविला जात असे

बाल शिवाजी हायस्कूल, कणकवली

कणकवली येथील बाल शिवाजी हायस्कूल याचे अध्यक्ष

सैनिक (मिलिटरी स्कूल) अंबोली

 

Brig. Sudhir Sawant Says…

We, the soldiers of Indian Constitution, solemnly resolve to implement the constitution in letter and spirit.

We resolve to integrate at all cost, religious and ethnic groups to create true Indian society & to eliminate inequalities in Indian Society. It is imperative to defeat Sapnath & Nagnath of Indian politics & bring Swaraj of Common Man, similar to Swarajya of Chhatrapati Shivaji Maharaj

My Facebook Page

*मनकी बात ? नहीं, सन्मान की बात, आम आदमीके सन्मान की बात - 1*

आम आदमी पार्टी, महाराष्ट्र राज्य संयोजक ब्रिगेडियर सुधीर सावंत यांचा स्वयंसेवकांशी संवाद

*काही निरीक्षणे, काही मार्गदर्शक तत्वे*

गेल्या सात-आठ महिन्यात आम आदमी पार्टीच्या अनेक स्वयंसेवकांशी माझा संपर्क झाला, अनेक बैठकांमध्ये काही वेळा अनेकांशी वैयक्तिक संवाद झाला, पार्टीत तन-मन-धन अर्पण करून ताकदीने समर्पण वृत्तीने काम करणारे असंख्य कार्यकर्ते आहेत, हा संघटनेचा मोठा ठेवा (asset) आहे, अशा आम आदमी पार्टीने माझ्यावर संयोजक पदाची जबाबदारी टाकणे हा माझा सन्मान आहे. वास्तव आहे की असे स्वयंसेवक कार्यकर्ते अन्य पक्षात अभावाने सापडतील त्यामुळे या कार्यकर्त्यांमुळे मला अभिमान वाटतो.

अरविंद केजरीवाल यांनी देशातील नागरिकांना एक उज्जवल नेतृत्त्व दिले, संपन्न व आनंदमयी भारत हे मिशन दिले. हे स्वप्न साकार करण्याची दिशा दिली पण या
देशात सापनाथ व नागनाथ पक्ष आणि जातीयवादी शक्ती कार्यरत आहेत, त्यांना अरबी समुद्रात बुडवून छत्रपती शिवाजी महाराजांचे रयतेचे राज्य आणायचे आहे, आम आदमीचे राज्य स्थापन करायचे आहे.

*स्वयंसेवकांना सल्ला*
दिल्लीत जनतेच्या प्रश्नांवर खूप उत्तम आदर्श काम झाले, महाराष्ट्रात देखील आपण हे सहज साध्य करू शकतो,
त्यासाठी उपलब्ध स्वयंसेवक शक्ती एकत्र होणे गरजेचे आहे, आपले स्वयंसेवक कार्यकर्ते खूप चांगले आहेत पण चांगली माणसे स्वाभिमानी आणि अहंकारी असतात, त्यामुळे संघटनेचया प्रवासात, वाटचालीत, जडण-घडणीत असंख्य अडथळे येतात. चांगल्या लोकांमध्ये एकी होत नाही असा विचित्र पण वास्तव अनुभव येतो संघभावना कमी असते आणि त्यामुळे शत्रू पक्ष चांगल्या लोकांच्या संघटनेत सहज फुट पाडू शकतो.

यासाठी काही गोष्टी जाणीवपूर्वक आपण कराव्यात...

1. एकमेकांचा पूर्ण आदर आणि सन्मान
2 समोरच्याचे पूर्ण ऐकून घेतल्यानंतरच मग आपण बोलणे
3 चर्चेने कोणताही बिकट प्रश्न सुटू शकतो, मतभेद दूर होऊ शकतात, तेंव्हा मतभेद झाल्यास बंद खोलीत चर्चा करणे, निर्णय घेणे हाच योग्य मार्ग आहे.
4 दुसऱ्या व्यक्तीवर बिनबुडाचे आरोप करू नये
5 दुसरा काय करतो, यापेक्षा स्वत: काय केले याचा अहवाल वरिष्ठ किंवा सहकाऱ्यांना द्यावा

*माझे निरीक्षण*
सध्या माझ्या असे निदर्शनास आले आहे की - काही लोक अकारण गटबाजी करत आहेत, फक्त whatsapp वर active असतात, आपला वार्ड संघटीत करीत नाहीत..

माझी सूचना अशी आहे की यापुढे प्रत्येक कार्यकर्त्याने महिन्याचा अहवाल द्यावा, त्यात खालील बाबी असाव्यात...

अ मी सभासद नोंदणी किती केली ?
ब मी नवीन कार्यकर्ते किती जोडले ?
क मी माझ्या वार्डात, बूथ कमिटीमध्ये किती काम केले, कार्यकर्ते जोडले ?
ड किती लोकांना मदत केली ?

कोणत्या आंदोलनात सहभागी झालो, मीटिंगला उपस्थित राहिलो हे अहवालात नको

*कार्यकर्त्यांसाठी आणखी एक महत्त्वाची गोष्ट*
आपले कान हलके ठेऊ नये, हलक्या कानाचा व्यक्ती चांगला स्वयंसेवक होऊच शकत नाही, राजकारणात अफवांचे पिक उठविले जाते, जाणीवपूर्वक भांडणे लावली जातात, काम न करणारे लोक हे प्रयत्न करतात, हलक्या कानांच्या कार्यकर्त्यांमुळे भांडणे वाढतात, राजकारणी लोकांचे फावते. म्हणून कार्यकर्त्यांनी आपल्याला माहित नसलेल्या गोष्टीबद्दल कॉम्मेन्ट करू नये, उदा तुळजापूरच्या कार्यकर्त्याबद्दल नागपूरच्या माणसाने लिहू नये , पुराव्याशिवाय वाईट बोलू नये.

*जबाबदारी नेतृत्त्व जोपासनेची आणि संघशक्ती (Teamwork)*
आपल्या पक्षामध्ये कार्यकर्ता-नेतृत्त्व विकासासाठी जाणीवपूर्वक प्रयत्न करावे लागतील, आपल्या नेत्यांना जिल्हा व तालुका स्तरावरील नेत्यांना आपल्यालाच मोठे करावे लागेल. सगळ्या कार्यकर्त्यांनी आपल्या नेत्याला एक दुसऱ्यांना मोठे करण्याचे जाणीवपूर्वक प्रयत्न करावेत.

त्यासाठी काय करावे ?
महितीपेक्षा ज्ञान गोळा करावे, मिळवावे - लोकांशी थेट संपर्क वाढवावा - वैयक्तिक पातळीवर चांगली जीवनशैली राखावी - कौटुंबिक स्वास्थ्य वाढवावे -
भांडण झाल्यास चर्चेस बसावे - सरकारी यंत्रणेत अधिकारी व जनतेमधील दुवा आपण बनले पाहिजे - नेतृत्त्वाशी बोलून शंका निरसन लगेच करावे - संघ शक्ती महत्वाची म्हणून आपण एकसंघ असणे हे यशाचे एकमेव सूत्र आहे, आपल्याला हिरो नको आहेत, संघशक्ती हवी आहे असे मला वाटते. पक्ष वाढण्यासाठी विस्तार व विस्तारासाठी संख्येची गरज आहे त्यासाठी संघशक्ती (teamwork) हाच एक उपाय आहे

ब्रिगेडियर सुधीर सावंत, 29-08-2018, शिर्डी
... See MoreSee Less

View on Facebook

महाराष्ट्र राज्यात झिरो बजेट नैसर्गिक शेतीचा प्रचार प्रसार व्हावा यासाठी राज्यपाल विद्यासागर राव यांनी कृषी ऋषी पद्मश्री सुभाष पालेकर यांची भेट झाली, त्यावेळी ब्रीगेडीयर सुधीर सावंत उपस्थित होते, त्यावेळी बोलताना ... See MoreSee Less

View on Facebook

2 months ago

Brigadier Sudhir Sawant - AAP
View on Facebook
Copyright © 2018 Brigadier Sudhir Sawant (Ex-MP)
RSS
Follow by Email
Facebook
Facebook
Google+
http://sudhirsawant.com/%E0%A4%B6%E0%A4%BE%E0%A4%AA%E0%A4%BF%E0%A4%A4-%E0%A4%AA%E0%A4%BE%E0%A4%95%E0%A4%BF%E0%A4%B8%E0%A5%8D%E0%A4%A4%E0%A4%BE%E0%A4%A8-%E0%A5%A9-%E0%A4%AE%E0%A5%87-%E0%A5%A8%E0%A5%A6%E0%A5%A7%E0%A5%AD